Ei jente forelskar seg i ei anna jente, men vert sviken idet ho kjenner seg trygg på at kjenslene er ekte. Ei jentunge er med mora på vaskejobb tidleg om morgonen før skulestart, då ein glasmonter med eit modellskip veltar og knuser. Ei ung kvinne får prestasjonsfremjande Ritalin av ein mann ho freistar erobre og vert kasta inn i opp- og nedturar ho ikkje greier å styre.

Sju noveller med jenter i hovudrolla. Jenter som vil vekk frå kvardagen og jaktar etter spenning og grenseoverskridingar. Jenter som kjenner på einsemd og utanforskap, og som har mødre frå Asia og fedre på sjøen. Jenter som leitar etter meining, men finn ho på feil plass.