Што ако обвинетиот ви каже дека зад убиството на неговата сакана стои „човекот од прозорецот“ на петти кат, без начин како некој би се нашол таму? Би му поверувале ли?
Што ако се работи за некаков паранормален феномен? Би се соочиле ли со него?
Ако дознаете дека зад тоа се крие голем заговор и тајна организација која ќе ве прогонува? Ќе имате ли храброст да продолжите?

Новинарот Мите е решителен да ја открие мистеријата зад „човекот во прозорецот“ по секоја цена, иако не е свесен што сè ќе треба да жртвува за да го направи тоа.

Додека тој е посветен на истрагата на феноменот, неговата пријателка Катерина работи заедно со татко му, Лазар, за да му помогнат и да ја разоткријат тајната организација која се обидува да го спречи Мите, пред тие да успеат во тоа.