Sa panahon ngayon na maraming obobs at piniling maging tanga kahit pa binabaha na tayo ng easy-access na impormasyon, dapat na gawing required reading material ang akdang ito lalo na sa mga taong nagsisimula pa lang tubuan ng kamulatan sa kanilang kapaligiran (at ng mga buhok sa mga bahaging noon ay kalbo naman).

Hindi naman kailangan ng Masters o Ph. D para maintindihan ang sinasabi ng awtor. Kasama natin siyang pinoproblema ang pinagdaraanan at pinag-iisipan natin araw-araw sa bansang Pilipinas—kung okay lang bang ibalik ang kulangot sa ilong, at iba pang existential questions,

Puno ang libro ng kaalaman na hindi mo mababasa at hindi maituturo sa paaralan.
Pagtapos mo itong basahin, hindi mo na titingnan ang realidad tulad nung bago mo buklatin ang unang pahina nitong libro.

Zero A.D.
Awtor ng Uberman